華東旅行 (1)

上個月同埋一班中學的同學仔一齊,經人質旅行社的團去左華東六日。去華東都係為影當地的景象,因為好多人都話蘇杭的景色一流,環景優美,好可惜去個時梅花打到個頭,天色總是灰灰沉沉,影出來都唔係咁好。而且經團到景點的時間太短,好似走馬看花,好多地方都無閒欣賞。

南京係咁多個地方之中最悶的地方,跟團景點只有中山陵和南京大橋。本來都幾期待到中山陵參觀,因為呢個係中國最後一個大型陵墓,而且又與帝王的陵墓不同,都幾特別。其實都唔係好明點解孫中山咁唔鍾意封建,但係又會有呢個咁封建意識的陵墓,唔似係民國的精神。去到中山陵當日,突然下起大雨,而且又要走上百多級樓梯,認真狼狽。上到去佢地又要關門趕人走,行左十多分鐘就要離開,好多地方都未及參觀。

正門

南京大橋好明顯係一個愛國宣傳基地,不斷提及大躍進同中國的偉大,而且建築佈置富有共產主義特色。

橋頭堡內裝修

霧中大橋

夜晚就到了一個南京版的上下九路街︰古秦淮河旁,其實係一個古代中國的煙花之地,呢家卻變成一條 shopping street。其實都有唔少野買,不過比起廣州就差少少了。

秦淮河

牌坊

發表迴響

你的電子郵件位址並不會被公開。 必要欄位標記為 *