GR 入手兩個月…

用了陰天作白平衡

買左部機已經兩個月了,平時用落感覺都幾好,好少會話 Lag 機,睇來 1GHz 雙核真係夠晒用。不過影相影出來的效果就真係麻麻,白天夠光就冇咩問題,但係夜晚影真係有好多 noise,影出來有時真係唔掂。雖然都知呢部唔會好似 1X 同 XS 一樣咁靚,不過呢家咁睇好似仲差過以前部 5800。好似上面幅圖咁,今日等車個時影,個白平衡係特登較到咁黃,諗住影個支街燈的效果。點知剩燈附近影出來竟然係咁,好似有 D 霧係到。放大幅相都見油畫化得好嚴重,成張相真係唔放大得。

白平衡︰自動

呢張睇落去好似冇咩問題,不過放大睇就知唔係好得!好似最遠個部巴士咁,架車門唔知邊點會影到斜左,明明架車又冇郁而且又冇加特效,呢 D 問題係以前的舊相機就見得多…今日試影夜影,真係好失望。

其實平時又好少會影夜景,影景都係帶番相機好一點,日光日白影出來的相其實都幾令人滿意。

O.T. 上車前見到,黑門灰柱,真係好少見…

發表迴響

你的電子郵件位址並不會被公開。 必要欄位標記為 *