NEX 3N 試機

呢幾個星期天氣真係好好，日日都係藍天白雲，所以我都襯機會出去試下部新機，睇下影出來有咩野效果。用落其實只係比傻瓜機重少少，輕過 DSRL 好多，出去郊區真係方便好多。

今次影完相順便試下新的 Flickr，好耐之前一直都用 Google Picasa，感覺上 Google 真係快 D，不過自從有左 Google+之後咩都要放入 Google+，而且舊的相仲要死晒圖，所以唯有轉用 Yahoo! 的服務。

其實日光日白影相同以前部 DC 影出來的相分別不大，只係景深強烈左同 zoom 得勁左，有時佢嘅白平衡太勁，反而唔係好影到好熱好曬好光嘅感覺。不過影出來的色水，感覺上仲好過 Nikon D3000。

反而影夜景就差得遠啦，平時開 ISO 到 1000 到已經好多雜訊，轉左無反就算 ISO 開到 10000 到，幅相都一樣仲係好清！