其實已經玩左 Twitter 四年，當年啱啱開始用 Symbian 時，想用下電話 Smart 嘅功能，所以就裝左 Twitter 嚟玩。不過由始至終，Twitter 依然係好少香港人玩，新浪微博反而仲多人用。不過 Twitter 背後嘅意義，微博點都取代唔到。
前年開始玩 Android 時，當時好多人都推介 twicca，一個由日本人開發嘅 Client。twicca 嘅好處係可以將唔同的來源用唔同顏色顯示，咩重要咩唔重要一睇就見到。一直都好好用，只係上載相嘅時候會輕左 App，要試幾次先至成功。
近來多人講一個叫 Carbon 的 Client，好奇下下載左落來玩。個 UI 真係跟 Android 的要求設計，同埋加左好多 gesture，用落真係好方便。用過幾日之後，決定將舊嘅 twicca 刪走直接用佢。
原來 Twitter 有限制一個 client 有幾多 User 用，所以基本上 Carbon 已經爆左數，其他人下載左都未必用得到。都唔明點解 Twitter 要做呢個限制，Client 百家爭嗚先令到 Twitter 當年咁受歡迎，限制會 Kill 左呢個 App，令到個 Designer 唔想再發展落去，某程度都會減慢 Twitter 的增長。我都唔知 Carbon 會唔會因為咁而唔再整落去。如果係真係好可惜。