一直都知道 NEX 的快門唔夠快，所以很難影到不斷走動的動物，所以都係影花花草草多。上月月尾無所事事走左去元朗公園，見入面有百鳥塔就走左入去試下打雀。
百鳥塔內的雀仔同外面的有點唔同，我估計牠們應該都見慣人，所以並不會見你有點近就即刻飛走，亦都不會驚鏡頭向住牠們，所以影起來比起平日常見的雀鳥易得多。
雖然已經比正常容易點，可惜 NEX 配長鏡的對焦速度實在太慢，很多時未完成對焦鳥兒已飛走，所以整部相機都充滿失敗作品。
除了觀鳥外，百鳥塔頂層還可以遠眺整個元朗景色，而且再炎熱的天氣下塔頂也非常涼快。
可惜的是鏡頭最後被跌壞了，短期內都沒機會再享受攝影的樂趣。