漫遊北角

以前都有住港島的朋友,以為屯門元朗仲係四周圍都係牛,成個鄉郊地區咁,因為港島人真係冇咩機會去到咁入。相對地,作為屯門人,亦都從未到過北角,而且北角同其他地區,又真係幾唔同!

北角一景 北角雖然係港島算係中心位置,不過交通都唔算繁忙,人多車唔算多。華豐國貨座大廈呢家睇落平平無奇,甚至有點追不上時代,但係香港歷史都佔有一席位。當年六七暴動,英軍要派直昇機空降軍人直搗左派的根據地,而目的地就係華豐國貨所在的僑冠大廈。

北角一景

老態漸現的國貨公司

春秧街又係另一個北角特色。以前成日睇相見到泰國有市場係沿住鐵路而建,一有火車客人就要搵位縮俾火車過,原來香港都有類似的場境。雖然條路闊好多,亦都冇可能係電車上伸手可及貨物,不過客人一樣係馬路上選購貨物,一樣都係見到電車要閃開。 北角一景

當電車過後,遊人自然會走回本來的位置。

北角一景

雖然找不到北角的雞蛋仔,亦未有品嚐北角的牛雜,不過北角的恬靜,令呢塊地係港島與別不同。

One Comment

  1. http://www.timmysweb2002.com/web/

    Hello 我係Timmy
    我想問大家可唔可以交換連結? :)
    Thanks

    Timmy

發表迴響

你的電子郵件位址並不會被公開。 必要欄位標記為 *