德國.慕尼黑

聖誕離港去左旅行,乘坐阿聯酋航空經杜拜到慕尼黑。

第一站就去左富森同新舊天鵝堡。舊天鵝堡其實好細,感覺上同香港半山豪宅差唔多大,最大嘅舞廳都係大中學課室少少。不過設計就真係比現代住宅有藝術感,有皇室氣派。

高天鵝堡

山丘上的高天鵝堡

相信其中一個皇不甘於咁細的城堡,所以借錢興建一個又新又大的城堡–新天鵝堡。迪士尼樂園嘅睡公主城堡,其實都係參考新天鵝堡而設計。而最佳觀賞角度,當然唔係城堡門口,而係後山嘅瑪莉安橋

新天鵝堡

由瑪莉安橋望向新天鵝堡

可惜的是這一位皇未等到城堡的建成,就已經與世長辭。而城堡就成為左後人嘅景點。

另外,亦都去左國王湖 Königssee,一個另一感到渺小同平靜嘅大湖。落車時已經零下三度,而且刮起大風,即使穿上厚厚的大衣都依然覺得好凍。好在,入左小村之後,風勢受山所隔才有所緩和。去到可以選擇行山或者坐船入湖,對於懶人來講一定係坐船入,可惜冬天船唔會入更靚嘅上湖 Salet

國王湖

國王湖中的船

小船開住 St. Bartholomä 一個紅頂小教堂,真係有世外桃園嘅感覺,空氣清新四周又無文明嘅痕跡。落船後狂風陣陣,教堂內是安靜而溫暖嘅避風所。教堂後嘅雪山,構成一幅美麗嘅圖畫。臨離開時,天空更落起雪來,而小船就在漂雪中靜靜駛過。

聖巴爾多祿茂教堂

聖巴爾多祿茂教堂

德國 2016 德國 2016 德國 2016 德國 2016

下一站,奧地利…

發表迴響

你的電子郵件位址並不會被公開。 必要欄位標記為 *