WD Blue 都咁快壞

一直都係聽人講唔好買 Seagate 嘅 hard disk,因為 Seagate 出品係好快死,咁做過幾間公司又係多數係 Seagate 出事,咁好理所當然買就買 WD 唔揀死雞,就算人哋問到都係咁建議。

半年前換左部新電腦,終於加入 i7 世代,上一部 E5700 捱到咁耐都真係幾勁,上網睇片完全無問題,只係呢家做功課做公司嘢要比較多 computation,換部快少少嘅機做嘢都爽手 D。由於 budget 問題冇買到 SSD,買左隻 WD Blue 2TB 5400RPM 做主力,舊機隻死雞就做 storage。

WD Blue 2TB用左差唔多半年,上星期開始部電腦間唔中疾一疾,開頭都冇為意,前幾日臨訓望下 log,原來咁快有 bad sector,之後一熄機就一睡不起,入唔番 Windows 了。

好彩呢家有 Ubuntu Live CD 而且又讀寫到 NTFS,都仲可以讀番隻 HDD,救番八成 data。佢已經壞到連 scan 都完成唔到。

硬碟掃描問番同一日一齊買電腦嘅朋友,原來佢係一個月前都死左隻同款 Hard disk,買三隻壞兩隻,failure rate都幾高。下次要買 hard disk,都唔知買咩牌子好了。

發表迴響

你的電子郵件位址並不會被公開。 必要欄位標記為 *