呢幾個星期天氣真係好好，日日都係藍天白雲，所以我都襯機會出去試下部新機，睇下影出來有咩野效果。用落其實只係比傻瓜機重少少，輕過 DSRL 好多，出去郊區真係方便好多。

舊個部相機 CMOS入左廛，問左好多人都話冇計冇得清，咁唯有買過部新機。雖然好多人都話 Nikon 1 好平好抵玩，不過上網見好多 forum 都負評佢，買唔落手，所以今次就託朋友係日本買左部 NEX 3N 番來，近來日元狂瀉真係平左唔少，不過只係得日文冇中英文。不過相機呢家野，估下估下就會識用傢啦！

呢個月，香港真係發生好多不幸事件，死左好多無辜的人，香港好似愈來愈亂咁。

我唔知道梁特首係咪一個好好的特首，不過佢未有成績出來就已經見到好多事事非非，佢同佢的班子雖然講野好似好叻， PR 勁過上一屆的官員，不過好多事好似愈描愈黑，好多明明支持佢的人都開始唔信佢。立法會都未正式開始做野，兩邊的關係就已經搞到咁，好多樣野政府都同泛民抗到衡，遲下真係唔知點先做到野。

政治野唔熟唔講咁多啦，不過似乎香港政府的風水真係唔係咁好。上屆阿曾前特首都養番幾條錦鯉，雖然冇做到 D 乜野政積但只少香港都可以安安定定。今次有個唔信我水的上場，剛夠三個月就浸死左成廿人，接住仲有毒針塌樹捲走人。雖然自己都唔係好信風水，不過今次真係夠晒邪。

香港已經夠晒亂，希望快 D 雨過天青，政府唔好再搞咁多事啦！如果唔係香港真係輸硬！

買左部機已經兩個月了，平時用落感覺都幾好，好少會話 Lag 機，睇來 1GHz 雙核真係夠晒用。不過影相影出來的效果就真係麻麻，白天夠光就冇咩問題，但係夜晚影真係有好多 noise，影出來有時真係唔掂。雖然都知呢部唔會好似 1X 同 XS 一樣咁靚，不過呢家咁睇好似仲差過以前部 5800。

雖然想用 android 好耐，不過部舊的 Nokia 5800 一直都未壞，所以一直都冇機會轉機。5800 唔係唔好，跌極唔懷加埋影相聽歌都好得，通話真係冇咩牌子好得過 Nokia。好可惜 Symbian 始終係上一代 OS，方便同 apps 的選擇都好不足，加埋得 128 MB ram，用係手似一部 feature phone 多 D。之前有左個上網 plan 所以裝左 Whatsapp 上去，裝完發現已經冇 ram 淨，開 Opera 上網都做唔到了，唯有期待轉機。

本身都諗住等下 iPhone 5 出來買 iPhone，因為 iPhone 真係好易用，而且唔似得 android 咁多野煩，不過上星期有屋企人壞左電話，所以就 transfer 部 5800俾佢，買過部新機！

本身都有諗過買 Sony Ericsson 的機，因為實在靚好多，而且又有得升上 ICS，不過朋友力勸點都要買部雙核，所以就揀左呢部 Samsung Galaxy R。其實買左有少少後悔，點解唔買部平 200 的 Atrix 2，揀呢部都係貪佢有得升 ICS，點知買左幾日 moto 又肯升部 Atrix 2，如果買左果部就抵玩好多啦！不過算啦，都過左去…