輕鐵生活

住在屯門的人,一向都覺得輕鐵好廢,又大份又阻街,而且行得又慢。係繁忙時間坐巴士小巴等轉燈,通常都要等好耐,因為一架架的輕鐵係有優先路權。周不時都聽到有人話想拆左條廢鐵,不過到佢真係廢左,D 人先知原來佢好重要。

其實呢家係屯門同天水圍冇左輕鐵,真係好唔方便。好像良景出市中心平日可以坐輕鐵,但今次意外冇左條 507,完全冇晒 D 平的路徑出市中心,因為冇理由坐58M。當大家睇住部唔郁得的輕鐵一臉茫然的時候,就會懷念有輕鐵的生活。

雖然一直都不太喜歡輕鐵有優先路權,不過有輕鐵,其實帶來了很多方便。

吐露港日落

早上仍是烏雲一片,沒想到晚霞時會回復藍天。

今天這個特別的日字,臨時決定去左大埔海濱拍照。

回望中大
回望中大
Read more →

錦田行

幾日前襯天氣良好,到了錦田踩單車。錦田的單車徑網絡其實不差,只是沒有大埔沙田單車徑的美麗景色,而且樹蔭比沙田多,在夏天會比較好踏。

雖然是多樹蔭,不過其實都真係好熱,曬到成個人都差唔多蒸發,如果蔭少少會好好多,不過蔭天個景就唔會有萬里無雲咁靚啦!

吉慶圍大門
吉慶圍大門
城牆
城牆
Read more →

藍天

好耐都冇見過藍天啦,香港的天成日都係灰沉沉,同埋四周圍都係灰沉沉建築物,心情自然會唔係幾好。呢幾日都係出藍天,成個人都精神晒!

天水圍的三支香
天水圍的三支香
Read more →

Dell laptop 壞左

好耐都唔用一次手提電腦,今日用佢來播下wmv啦,本身諗住用 Media Player Classic 播,點知又播唔到。用番 Media Player 就即刻出事!

本身用 WMP 唔係播唔到,不過一直以為佢冇得快播,後尾搵到點快番的時候,一禁佢就成部機死左,得 mouse 有反應同播同一個音,諗住 reboot 佢啦,咁就開唔番機。

就係咁的樣,開一陣就會自己熄左,試過用光碟同 Linux 開機都係咁,真係冇辦法。都唔知係咩原因,不過應該係硬體問題。過左保養,Dell 唔會理了!

冇左部機用,真係好麻煩。