Cities in Motion

昨日 bananasims 介紹過 Cities in Motion，其實係一隻模擬各交通工具的遊戲，而畫質就似 SimCity 4。之前有玩過 Simutrans，其實玩起上來感覺真係幾唔同。今日下載左 beta 版來玩下，好可惜沒有得 save，關左 game 就乜都冇晒。

同 Simtutrans 一樣，想一開始就賺錢真係好難。Simutrans 入面有得用鏘包，一開始可以多 D 本金去發展，網絡愈大愈易回本。雖然 CIM 都係，不過就冇錢包而係借錢，佢就收番 D 息。不過個地圖太大，其實借左錢都唔夠用，好快就花晒，到時想起的野未起好，又賺唔到錢，就會一直係咁輸落去。玩左幾次，都係賺唔到錢。

CIM 最好的地方係佢的地鐵系統，地下的車站係會整埋月台，而且有分唔同層的月台，令地鐵可以在地下交匯。暫時都未整到一個車站有兩層月台，不過未來的版本可能會做得到。

佢仲有一個同 Simutrans 唔同的地方，就係多左突發事件，如壞車同封路。只要肯俾錢保養同換車，就會少 D 機會壞車，不過封路就冇得避，而且係 CIM 改道都幾麻煩。

暫時的觀察所得，CIM 的收費系統係同電車一樣，不論坐幾遠都係收咁多錢，仲要係一上車就收，因此起線應該愈短愈好，因為佢轉得多我地收得多，而且佢係個 range 入面所有站佢都識行過去轉，唔似 Simutrans 一定要兩個站貼埋。

直升機係其他 game 暫未見過有的，用佢都幾好賺，因為用得的都係有錢人，所以就升到個價勁高。佢地唔開心都會照用，因為個頭係獨市生意，冇得坐其他交通工具。不過佢地等得耐係會走左，唔會等死一世…

呢隻 game，真係幾植得玩，不過真係要改改個收費制度啦，如果唔係唔整得長線，長路線實賠。