華東旅行 (2)

去完華東之後就去左無錫，其實係無錫行左的地方唔多，都係太湖附近。天氣依然唔係咁好，不過係雨中欣賞太湖實為另一番景象。

其中一個景點叫三國城，好似係入面拍過好多場電影，包括赤壁。其實為左拍戲起左咁多野，拍完就拆真係浪費，而 CCTV 夠醒識用佢去搵遊客錢。不過入到去，其實有 D 似去左韓國咁，好多元明色彩的建築。

不過水質污染好嚴重，係湖邊行其實真係好臭，一陣陣令人作嘔的味道。綠色浮在水面的，聽聞係海藻…真係好臭。

另一個景點係蠡湖公園，上網睇其實有好多好靚的相，不過個人天工不做美，見到四周模糊一片，並無特別。

在無錫除左太湖美景外，尚有好出名的無錫排骨，不過唔知點解係當地食的無錫排骨比較似無錫豬腳，唔係香港見慣的排骨來。