有家庭有高達冇肉食的新聞，近來鬧得熱烘烘。估唔到一單普通不過，一年總會炒起幾次的貧窮問題，可以成為社會的焦點。

當然，也許佢地屋企真係未到大家心目中的貧窮，也許香港好多好多人家庭環境都比佢地辛苦，也許社會有好多比佢地有需要的人士…不過，當佢地有願望，當佢地想改善生活的時候，其實佢地都冇錯。正如當年話有六千蚊入強積金，大家都好想財爺真係派錢啦！

我諗大部分人俾人問到想唔想有多啲錢改善下生活，都會諗都唔諗就話想啦，所以真係冇必要為左佢屋企有高達，就走去批鬥佢地。始終人只係一個人，總會有少少貪心嘅。