改建屯門

家住屯門，對自己區總係會有感情。可惜除左已經執左嘅屯門-時代的天空之外，其實真係冇咩地方留住屯門嘅舊樣。難得放假，就襯呢個城市未變晒之前，影番少少相留念。

由開始起 V City 開始，屯門就番天覆地咁翻新，連遠至良景湖碟嘅屋邨商場，都俾領匯整到煥然一新。老店一間一間地執，連鎖店一間一間咁擴張，唔駛好快屯門就會同九龍冇咩分別。

新墟最近 V City ，雖然仍然仲係幾年前嘅樣貌，不過相信唔駛好多年，V City 嘅貴氣就會擴張過來，雅都同康麗花園就會變成另一個倒模商場。