霧裡登獅子山

香港人成日都話要堅持獅子山精神，獅子山已經成為香港人的象徵。當年由香港電台主拍嘅獅子山下，首主題曲到呢家都依然受歡迎。作為一個香港人，其實都想行上山頂好耐，終於搵到呢日衝頂。

一早已經約定好 16 號上山，可惜天氣不似預期，為左目標依舊衝項。上網睇過如果唔上山頂，條路應該唔難行。上山的時候已經有少少霧，不過天文台話晏 D 會有陽光，所以都冇咩在意個天氣，希望到頂時啲霧會散一散。

上到回歸亭，回望落去都只係有薄薄嘅霧，山下建築約隱約現，睇落都幾靚。休息過後就係較難的衝項路段，所以係亭要休息夠。

準備好就一氣呵成衝上去，天氣潮濕又大霧，條路真係好滑好易跌倒，自己平衡力唔係太好，沿路都出現過幾次哈碌野，好在最尾都冇穿冇爛上到獅子頭。

完左順道參觀埋望夫石，遠望真係非常神似，其故事可歌可泣。沿路一直落去，就可以去到紅梅谷。

到左紅梅谷燒烤場，又到左旅程嘅尾聲。可惜當日非常大霧，冇景睇之餘連相機都充滿霞氣，都冇乜見得人的相。