德國．慕尼黑

聖誕離港去左旅行，乘坐阿聯酋航空經杜拜到慕尼黑。

第一站就去左富森同新舊天鵝堡。舊天鵝堡其實好細，感覺上同香港半山豪宅差唔多大，最大嘅舞廳都係大中學課室少少。不過設計就真係比現代住宅有藝術感，有皇室氣派。

相信其中一個皇不甘於咁細的城堡，所以借錢興建一個又新又大的城堡–新天鵝堡。迪士尼樂園嘅睡公主城堡，其實都係參考新天鵝堡而設計。而最佳觀賞角度，當然唔係城堡門口，而係後山嘅瑪莉安橋。

可惜的是這一位皇未等到城堡的建成，就已經與世長辭。而城堡就成為左後人嘅景點。

另外，亦都去左國王湖 Königssee，一個另一感到渺小同平靜嘅大湖。落車時已經零下三度，而且刮起大風，即使穿上厚厚的大衣都依然覺得好凍。好在，入左小村之後，風勢受山所隔才有所緩和。去到可以選擇行山或者坐船入湖，對於懶人來講一定係坐船入，可惜冬天船唔會入更靚嘅上湖 Salet。

小船開住 St. Bartholomä 一個紅頂小教堂，真係有世外桃園嘅感覺，空氣清新四周又無文明嘅痕跡。落船後狂風陣陣，教堂內是安靜而溫暖嘅避風所。教堂後嘅雪山，構成一幅美麗嘅圖畫。臨離開時，天空更落起雪來，而小船就在漂雪中靜靜駛過。

下一站，奧地利…