由於 RIPN 宣佈 net.ru 不再免費，呢個網址已經係半個月前轉左用 Swiftzer 的 server同domain，而舊的 domain 只係用作轉址用。不過 tusk.net.ru 將會係 28 號晚到期，即係話幾小時後入個個網址，將唔會再上到呢個 Blog。
近來因為考試，仲未有時間大執新 blog 的 template，考完試之後就會整個新的，配合番 Swiftzer 的風格，不過呢 D 野都係到時先諗啦！
Microsoft&Nokia
屋企係一個 nokia 的超級支持者，基本上除左上一部機買左 SE ，同好耐之前第一部 moto ，其他的全部都係 nokia 出品。雖然自己未擁有過，不過個時真係好想要一部 8210，因為部機真係好型，而當時 moto 的機都係好古板，而且唔似呢家有咁多牌子揀。
後來 SE 開始出機，發覺佢地的機真係好靚，於是改用 SE 手機，不過由於想善用大學 wifi，加埋有靚 D 的相機俾我去 Snap，去年都換左部 smart phone，買左部 s60 的5800。
S60唔係唔好，只係用係手上來唔係咁方便，而且上網成日都會輕機，用番本身電話功能就冇咩事。見到 D 同學開始改用 android 的時候，比較之下 s60 真係幾廢，只係想上載相去 TwiPic，要做的野都多過用 andriod 好多。其他生產商都放棄 symbian ，而 Nokia 仲要死攬住佢，Nokia 下滑一定理所當然了。
其實 Nokia 都應該知 Symbian 唔掂，就算出左 S^3 都唔係咁受歡迎，今次轉 OS 係勢在必行，但係…估唔到 Nokia 竟然會選中 Windows Phone 7！！
WP7 其實好多野都好創新，而且聽用過的人講，效能都好高，不過 tiles 的方式未必人人接受到。加埋 WP7 其實好多野都未完成，連中文都未有，市場對呢個 OS 都係觀望態度。不過 Nokia 今次拎 WP7 做主平台，其實真係好博，成功的就會變好似 HTC 咁的硬體公司，失敗的就會同 moto 一樣要光輝不再，市分額話唔定仲細過 HTC。
Cities in Motion
昨日 bananasims 介紹過 Cities in Motion，其實係一隻模擬各交通工具的遊戲，而畫質就似 SimCity 4。之前有玩過 Simutrans，其實玩起上來感覺真係幾唔同。今日下載左 beta 版來玩下，好可惜沒有得 save，關左 game 就乜都冇晒。
同 Simtutrans 一樣，想一開始就賺錢真係好難。Simutrans 入面有得用鏘包，一開始可以多 D 本金去發展，網絡愈大愈易回本。雖然 CIM 都係，不過就冇錢包而係借錢，佢就收番 D 息。不過個地圖太大，其實借左錢都唔夠用，好快就花晒，到時想起的野未起好，又賺唔到錢，就會一直係咁輸落去。玩左幾次，都係賺唔到錢。
黃昏
夕陽無限好，只是近黃昏。
橙紅色的路燈曾是中大的特色，可是現在被更環保更光的白光路燈取代。當一支舊鈉燈壞了後，就會被新的白燈替代。因此，鈉燈已經買少見少了。
眾志堂外的鈉燈，已經呈現暗紅色，就像一顆紅巨星，只能發出暗淡的光。相信很快，就會完成它的使命。
橙色的天與紅色的燈，很快就會成為歷史。
中區警署
自從上次錯過中區警署的開放日，一直都很盼望再有機會走進去參觀，而且要是在改建前。一旦改建開始，必定面目全非。
幾天前經過中區警署，幸運地發現警署在局部開放，展出香港的舊相。像大部分人一樣，在意的不是舊相，而是活生生的文物。
