2020 年年尾個時，水務署想回填主教山配水庫，比民眾發現之後引起大眾抗議，之後政府決定放棄拆除，變成一個遺跡咁開放俾市民參觀。

開左幾年之後，終於有機會入到去睇下香港少見羅馬式石柱及紅磚圓拱建築，要參觀首先要行 15 分鐘上山，去到入口登記完就可以落去配水庫參觀。

起初以為用 Stable Diffusion 可以直接打一句 prompt 就可以出到想要嘅嘢，就有如係 ChatGPT 咁問一條問題或者俾一個指示，玩左幾下發現原來要有好少少嘅圖，係要俾一個幾清晰嘅指示。好似畫一個空倉庫咁，係參考完唔同嘅網上資源之後，寫左下面正面同負面嘅 prmopt ，先至叫做可以出到令人滿意嘅圖。

Positive prompt

High-fashion photography in an abandoned industrial warehouse, with dramatic lighting and edgy outfits,extremely detailed CG unity 8k wallpaper, detailed and intricate, original,highres,best quality

Negative prompt

paintings, sketches, (worst quality:2), (low quality:2), (normal quality:2), lowres, ((monochrome)), ((grayscale)), skin spots, acnes, skin blemishes, age spot, glans,extra fingers,fewer fingers,strange fingers,bad hand,signature, watermark, username, blurry, bad feet,bad leg, duplicate, extra limb, ugly, disgusting, poorly drawn hands, missing limb, floating limbs, disconnected limbs, malformed hands, blurry,mutated hands and fingers

近年人工智能技術急速發展，而自從 2022 年出現了 DALL·E 2 同 ChatGPT 3.5 之後， Generative AI 就成為左人工智能界嘅熱門話題。

可惜嘅係，香港自從由亂入治之後，好多新嘅高科技嘢香港都冇得用，而 OpenAI 嘅 service 都唔例外，所以 Dall-E 呢個由交字生成圖片嘅 AI 香港就未必用到啦。不過唔緊要，市場上仲有 Stable Diffusion 呢個 opensource framework 可以用，而我就決定下用 Stable Diffusion 去生產圖片。

出左來做野都差唔多十年，放工其實都愈來愈少機會開 Desktop ，再長望電腦對眼真係會唔掂。所以最近轉用 Macbook 作為主力電腦，本身沒有 Mac 版本的 PhotoShop，所以經朋友介紹後，買左 Affinity Photo 2 番嚟用。對比 PhotoShop ， Affinity Photo 真係抵用好多。

除住伺服器要更新，寄存係伺服器嘅 tasks 都要搵個地方搬，因為新的地方唔再有 MariaDB 可以用。呢家手頭上有一個 task 係每個鐘都行，係網上爬啲 data 之後執靚寫落 database，INSERT 多而 SELECT 少，集齊一大堆數據再會下載落嚟分析。其實又冇 JOIN 又唔太需要 SQL operation，真係唔需要用到 relational database，花錢開多部機行 Database 就好唔抵。

好耐都冇更新過 Wordpress 同網誌，Wordpress 嘅版本已經不合時宜，而且太耐冇用 PHP 已經唔太記得佢哋嘅話法。所以今次襯伺服器要更新，決定搵過新嘅 Blog platform 去重建呢個 blog。

之前壞左隻 hard disk，成個 OS 要重新裝過，所以順便買埋隻 SSD 加快開機速度。一般人塔式電腦都會選擇買 2.5 吋 SSD，價錢較平而且唔駛膽心相容問題，可惜我選擇左細機箱，沒有足夠空間放第 3 隻 hard disk，於是 M.2 SSD 成為唯一的選擇。

一直都係聽人講唔好買 Seagate 嘅 hard disk，因為 Seagate 出品係好快死，咁做過幾間公司又係多數係 Seagate 出事，咁好理所當然買就買 WD 唔揀死雞，就算人哋問到都係咁建議。

半年前換左部新電腦，終於加入 i7 世代，上一部 E5700 捱到咁耐都真係幾勁，上網睇片完全無問題，只係呢家做功課做公司嘢要比較多 computation，換部快少少嘅機做嘢都爽手 D。由於 budget 問題冇買到 SSD，買左隻 WD Blue 2TB 5400RPM 做主力，舊機隻死雞就做 storage。

聖誕離港去左旅行，乘坐阿聯酋航空經杜拜到慕尼黑。

第一站就去左富森同新舊天鵝堡。舊天鵝堡其實好細，感覺上同香港半山豪宅差唔多大，最大嘅舞廳都係大中學課室少少。不過設計就真係比現代住宅有藝術感，有皇室氣派。

相信其中一個皇不甘於咁細的城堡，所以借錢興建一個又新又大的城堡–新天鵝堡。迪士尼樂園嘅睡公主城堡，其實都係參考新天鵝堡而設計。而最佳觀賞角度，當然唔係城堡門口，而係後山嘅瑪莉安橋。

可惜的是這一位皇未等到城堡的建成，就已經與世長辭。而城堡就成為左後人嘅景點。

以前都有住港島的朋友，以為屯門元朗仲係四周圍都係牛，成個鄉郊地區咁，因為港島人真係冇咩機會去到咁入。相對地，作為屯門人，亦都從未到過北角，而且北角同其他地區，又真係幾唔同！

多謝 Eric 提供執圖軟件 DxO Optics Pro 俾我，唔駛一幅幅咁由 Photoshop 慢慢執。最近從朋友手中買了一個二手鏡頭 SEL1855，取代被我跌爛的 SELP1650。1855 其實係舊版 kit 鏡，比較重同埋大支，而且影相冇咁 wide，不過亦都因為咁可以賣平 D。不過影出來的相，總係有少少分別。

香港人成日都話要堅持獅子山精神，獅子山已經成為香港人的象徵。當年由香港電台主拍嘅獅子山下，首主題曲到呢家都依然受歡迎。作為一個香港人，其實都想行上山頂好耐，終於搵到呢日衝頂。

又到睇紅葉嘅季節，大棠呢家出左名，加埋附近開左哈爾濱冰雪節，附近變得超級多人。好在今年港鐵醒左開特別車，遊客又可以行短D，附近居民又唔駛爭車坐，都係一個德政。

雖然屯門同白泥好近，而且之前都試過行山同埋踩單車去白泥，不過一直都未有機會入白泥睇日落。白泥其實非常之唔方便，得一條小巴線由元朗開入白泥，好多地方都係單線雙程行車，所以每逄晴天的假日都會塞車。

其實已經玩左 Twitter 四年，當年啱啱開始用 Symbian 時，想用下電話 Smart 嘅功能，所以就裝左 Twitter 嚟玩。不過由始至終，Twitter 依然係好少香港人玩，新浪微博反而仲多人用。不過 Twitter 背後嘅意義，微博點都取代唔到。

前年開始玩 Android 時，當時好多人都推介 twicca，一個由日本人開發嘅 Client。twicca 嘅好處係可以將唔同的來源用唔同顏色顯示，咩重要咩唔重要一睇就見到。一直都好好用，只係上載相嘅時候會輕左 App，要試幾次先至成功。

其實未買機票之前，真係唔知道馬來西亞有地方叫沙巴，而沙巴首府係亞庇。一聽仲以為係一 D 好落後嘅地方，聽都未聽過。落到機之後，發現其實沙巴真係一個好靚的地方。

第二次坐廉價航空，今次的體驗真係唔錯，好過上一次好多。上次坐廉航個位真係好狹窄，頂住隻腳又郁唔到，真係坐得幾辛苦。今次雖然架機舊 D ，而且唔係咁乾淨，不過張椅子就真係幾舒服，同大陸 D 正價航空公司差唔多。佢同其他航空公司唔同，基本上係一落晒機就即刻上機，好似坐巴士咁。

家住屯門，對自己區總係會有感情。可惜除左已經執左嘅屯門-時代的天空之外，其實真係冇咩地方留住屯門嘅舊樣。難得放假，就襯呢個城市未變晒之前，影番少少相留念。

由開始起 V City 開始，屯門就番天覆地咁翻新，連遠至良景湖碟嘅屋邨商場，都俾領匯整到煥然一新。老店一間一間地執，連鎖店一間一間咁擴張，唔駛好快屯門就會同九龍冇咩分別。

呢幾個星期天氣真係好好，日日都係藍天白雲，所以我都襯機會出去試下部新機，睇下影出來有咩野效果。用落其實只係比傻瓜機重少少，輕過 DSRL 好多，出去郊區真係方便好多。

舊個部相機 CMOS入左廛，問左好多人都話冇計冇得清，咁唯有買過部新機。雖然好多人都話 Nikon 1 好平好抵玩，不過上網見好多 forum 都負評佢，買唔落手，所以今次就託朋友係日本買左部 NEX 3N 番來，近來日元狂瀉真係平左唔少，不過只係得日文冇中英文。不過相機呢家野，估下估下就會識用傢啦！

買左部機已經兩個月了，平時用落感覺都幾好，好少會話 Lag 機，睇來 1GHz 雙核真係夠晒用。不過影相影出來的效果就真係麻麻，白天夠光就冇咩問題，但係夜晚影真係有好多 noise，影出來有時真係唔掂。雖然都知呢部唔會好似 1X 同 XS 一樣咁靚，不過呢家咁睇好似仲差過以前部 5800。

雖然想用 android 好耐，不過部舊的 Nokia 5800 一直都未壞，所以一直都冇機會轉機。5800 唔係唔好，跌極唔懷加埋影相聽歌都好得，通話真係冇咩牌子好得過 Nokia。好可惜 Symbian 始終係上一代 OS，方便同 apps 的選擇都好不足，加埋得 128 MB ram，用係手似一部 feature phone 多 D。之前有左個上網 plan 所以裝左 Whatsapp 上去，裝完發現已經冇 ram 淨，開 Opera 上網都做唔到了，唯有期待轉機。

本身都諗住等下 iPhone 5 出來買 iPhone，因為 iPhone 真係好易用，而且唔似得 android 咁多野煩，不過上星期有屋企人壞左電話，所以就 transfer 部 5800俾佢，買過部新機！

本身都有諗過買 Sony Ericsson 的機，因為實在靚好多，而且又有得升上 ICS，不過朋友力勸點都要買部雙核，所以就揀左呢部 Samsung Galaxy R。其實買左有少少後悔，點解唔買部平 200 的 Atrix 2，揀呢部都係貪佢有得升 ICS，點知買左幾日 moto 又肯升部 Atrix 2，如果買左果部就抵玩好多啦！不過算啦，都過左去…

呢家的聖誕節商業氣氛愈來愈重，好多人都係覺得聖誕節係一個消費的機會，基本上所有大商場都逼滿人，個個都好似買野唔駛錢咁，拎住一袋二袋番屋企。

雖然自己唔係基督徒，不過來到聖誕呢個為基督而設的節日，都想了解下基督，唔好俾消費主義喧賓奪主，所以就上左沙田的道風山睇下。

去完無錫以後，就去左蘇杭，睇下園林同埋西湖，呢兩處亦都係整個旅程中最令人期待的地方。雖然颱風梅花一直影響華東，幸好到達蘇州卻整天放晴，才有機會看到蘇州部分美境。

去完華東之後就去左無錫，其實係無錫行左的地方唔多，都係太湖附近。天氣依然唔係咁好，不過係雨中欣賞太湖實為另一番景象。

其中一個景點叫三國城，好似係入面拍過好多場電影，包括赤壁。其實為左拍戲起左咁多野，拍完就拆真係浪費，而 CCTV 夠醒識用佢去搵遊客錢。不過入到去，其實有 D 似去左韓國咁，好多元明色彩的建築。

上個月同埋一班中學的同學仔一齊，經人質旅行社的團去左華東六日。去華東都係為影當地的景象，因為好多人都話蘇杭的景色一流，環景優美，好可惜去個時梅花打到個頭，天色總是灰灰沉沉，影出來都唔係咁好。而且經團到景點的時間太短，好似走馬看花，好多地方都無閒欣賞。

南京係咁多個地方之中最悶的地方，跟團景點只有中山陵和南京大橋。本來都幾期待到中山陵參觀，因為呢個係中國最後一個大型陵墓，而且又與帝王的陵墓不同，都幾特別。其實都唔係好明點解孫中山咁唔鍾意封建，但係又會有呢個咁封建意識的陵墓，唔似係民國的精神。去到中山陵當日，突然下起大雨，而且又要走上百多級樓梯，認真狼狽。上到去佢地又要關門趕人走，行左十多分鐘就要離開，好多地方都未及參觀。

上星期六難得遇到假期和晴天，和朋友竟到了南生圍行下，順便影下相。個日個天好靚，好似走左入一幅油畫咁。本來想係南生圍玩埋風箏，不過搵唔到係邊到買，所以最後都只係行下吹水就算。

昨日 bananasims 介紹過 Cities in Motion，其實係一隻模擬各交通工具的遊戲，而畫質就似 SimCity 4。之前有玩過 Simutrans，其實玩起上來感覺真係幾唔同。今日下載左 beta 版來玩下，好可惜沒有得 save，關左 game 就乜都冇晒。

同 Simtutrans 一樣，想一開始就賺錢真係好難。Simutrans 入面有得用鏘包，一開始可以多 D 本金去發展，網絡愈大愈易回本。雖然 CIM 都係，不過就冇錢包而係借錢，佢就收番 D 息。不過個地圖太大，其實借左錢都唔夠用，好快就花晒，到時想起的野未起好，又賺唔到錢，就會一直係咁輸落去。玩左幾次，都係賺唔到錢。

自從上次錯過中區警署的開放日，一直都很盼望再有機會走進去參觀，而且要是在改建前。一旦改建開始，必定面目全非。

幾天前經過中區警署，幸運地發現警署在局部開放，展出香港的舊相。像大部分人一樣，在意的不是舊相，而是活生生的文物。

早上仍是烏雲一片，沒想到晚霞時會回復藍天。

今天這個特別的日字，臨時決定去左大埔海濱拍照。

幾日前襯天氣良好，到了錦田踩單車。錦田的單車徑網絡其實不差，只是沒有大埔沙田單車徑的美麗景色，而且樹蔭比沙田多，在夏天會比較好踏。

雖然是多樹蔭，不過其實都真係好熱，曬到成個人都差唔多蒸發，如果蔭少少會好好多，不過蔭天個景就唔會有萬里無雲咁靚啦！

好耐都冇見過藍天啦，香港的天成日都係灰沉沉，同埋四周圍都係灰沉沉建築物，心情自然會唔係幾好。呢幾日都係出藍天，成個人都精神晒！

星期日為同新的同學仔去石澳燒烤，燒之前周圍影左少少相。不過時間不多，只可以走馬看花地看看。

而最吸引人的一定是石澳泳灘了。當天氣溫到三十多度，根不得立即跳落水，而且景色也很漂亮，有點像到了海南島的景色。

復活節假期到了永利街，打算看看《歲月神偷》中取景的地方。《歲月神偷》的劇情雖然簡單，但卻很動人。而因此而成功保育的永利街，應該也很有特色吧。

春天到了，大學的花又盛放了！

從前住在屯門，根本沒機會看見這麼多的花、這麼美的環境。

近來開始多了功課，而且莊務也開始了，因為外出的時間比過往少了，成天都困在校園範圍內，對著看著的都是那些人。不過依然會盡量找機會到處看看，拋開書本和工作。

上星期六雖然很大霧，不過維港兩岸的景色豪不失色，而且隱隱若現的燈光更吸引人。很久也沒有坐天星小輪了，新的中環碼頭真的不太方便，難怪坐天星的人會少了。

那時拍了不少相，可惜手勢實在太差了，只有少許才能「見得人」。

那全港最高的樓已看不見頂了，也許頂部也有幻彩耀香江。

今日出了天水圍做義工，之後有兩小時的夾心時間，無所事事又不想中斷離開天水圍，於是在天水圍四處逛逛。其實天水圍本就是一個很美麗的地方，少車、多樹、鐵路四通八達，只是交通不太方便。住在這裡可能會不太方便，不過作為遊客卻是個好地方，在陽光下散散步，在新北江試美食。

剛巧今天在銀座附近有香港的醫護展覽，沒事可做的我當然不會錯過這「八掛」的機會。聽急救員說，那救護車是新車呢！

等左兩個月 Windows 7 終於到手啦，期待左好耐的全新 OS 。雖然手提電腦一直都係用緊 Vista ，不過用 Vista 的感覺始終都係唔好，唯有一直死守住用 7 年前的 XP 。不過 7 一出來到已經有唔少好評，大家都話又快又靚，所以就重本試下佢啦！

由於這是用優惠價買的，所以要指定時間係指定地點領取。那天夜晚就要回到大學到開會，所以只有兩個小時來回。由學校去金鍾不用九個字就到，在太古廣場行左陣，都不覺得有第三期。之後又被左客務中心的姐姐老點，叫我出去見路口轉彎，怎料呢個方向係錯的，在柏運道附近轉了好耐，問個到酒店的職員才知原來目的地在皇后大道東。

曾幾可時，整個新界都充滿著用低壓鈉燈，由荃灣開始的屯門公路、青山公路、元朗公路和新田環迴公路都是主要使用低壓鈉燈，燈型為長形，發出橙黃色的燈光。由於光線比較昏暗，因此這幾條公路常常有傳出鬼故。

後來政府為了減低意外和提升公路的光度，因此將上述公路的低壓鈉燈漸漸轉為現在常見的高壓鈉燈，因為高壓鈉燈的光度較高，而且色澤較近日光，減低司機睡覺的機會。香港的低壓鈉燈就買少見少，前幾年青山公路仍有少數運作，今已不復見。

中大的山路雖然仍大量使用低壓鈉燈，不過現在壞一支換一支，應該很快就退下前線了。

由於燈光昏暗，因此很多學生都覺得這些路很浪漫。當低壓鈉燈壽命將盡時，更會發出紅色的光。

上個星期同學校的同學去左大澳影相，去大澳大部分的人都會坐車到東浦轉 11 號巴士入大澳，不過我們就選擇了坐船入大澳，去水鄉怎可以不坐船呢！

大澳靚的地方真係唔少，特別是在陽光充沛的夏日，不過卻沒有甚麼好玩的地方，如果打算來大澳玩的人，一定會很失望了。

執左張單成兩個星期，昨日終於都去左深水步買部機番來。呢部機都有唔少人俾過意見，雖然好多最尾都冇聽到，不過都好多謝各位。

本身預的 budget 係 3500 ，點知個日俾張單間鋪報價，部機真係 3500 ，啱啱好，不過好可惜本身買個個火牛冇貨，要買個勁少少的，貴 10 元，令到我 Over Budget 10 元，要自己貼出來。