多謝 Eric 提供執圖軟件 DxO Optics Pro 俾我，唔駛一幅幅咁由 Photoshop 慢慢執。最近從朋友手中買了一個二手鏡頭 SEL1855，取代被我跌爛的 SELP1650。1855 其實係舊版 kit 鏡，比較重同埋大支，而且影相冇咁 wide，不過亦都因為咁可以賣平 D。不過影出來的相，總係有少少分別。

雖然屯門同白泥好近，而且之前都試過行山同埋踩單車去白泥，不過一直都未有機會入白泥睇日落。白泥其實非常之唔方便，得一條小巴線由元朗開入白泥，好多地方都係單線雙程行車，所以每逄晴天的假日都會塞車。

呢幾個星期天氣真係好好，日日都係藍天白雲，所以我都襯機會出去試下部新機，睇下影出來有咩野效果。用落其實只係比傻瓜機重少少，輕過 DSRL 好多，出去郊區真係方便好多。

上星期六難得遇到假期和晴天，和朋友竟到了南生圍行下，順便影下相。個日個天好靚，好似走左入一幅油畫咁。本來想係南生圍玩埋風箏，不過搵唔到係邊到買，所以最後都只係行下吹水就算。