之前壞左隻 hard disk，成個 OS 要重新裝過，所以順便買埋隻 SSD 加快開機速度。一般人塔式電腦都會選擇買 2.5 吋 SSD，價錢較平而且唔駛膽心相容問題，可惜我選擇左細機箱，沒有足夠空間放第 3 隻 hard disk，於是 M.2 SSD 成為唯一的選擇。

執左張單成兩個星期，昨日終於都去左深水步買部機番來。呢部機都有唔少人俾過意見，雖然好多最尾都冇聽到，不過都好多謝各位。

本身預的 budget 係 3500 ，點知個日俾張單間鋪報價，部機真係 3500 ，啱啱好，不過好可惜本身買個個火牛冇貨，要買個勁少少的，貴 10 元，令到我 Over Budget 10 元，要自己貼出來。